У філіяле “Струбніцкі ЦВЧіК” прайшоў Струбніцкі фэст “Свята, поўнае пашаны”
Сюды штогод прыязджае мноства паломнікаў на ўрачыстае набажэнства ў гонар аднаго з самых шанаваных святых — Святога Антонія. У гэты дзень ладзіцца вялікае свята з хрэсным ходам. І гэты год не стаў выключэннем.
Свята працягнулася канцэртна-забаўляльнай праграмай “Шчодрая талантамі родная старонка”, у рамках якой прайшлі выступленні калектываў аматарскай творчасці Мастоўскага раёна.
Мясцовыя жыхары і госці свята змаглі палюбавацца выставай “Майстэрства рук – душа народа”.
Варта адзначыць, што менавіта праз далучэнне да народных вытокаў выхоўваюцца беражлівыя адносіны да культуры, павага да самабытных традыцый на сяле.
