У в. Княжаводцы каля мемарыялу «Скорбящая мать» адбылася паэтычная акцыя-рэквіем “Памяць сэрца і слова” ў рамках II фестывалю паэзіі “Масты Сугучнасці”.
Пісьменнікі шмат увагі надаюць гэтаму трагічнаму месцу. У сваіх творах яны захоўваюць пульс чалавечага лёсу. Гэта гарантыя таго, што попел гэтай вёскі не застыне ў сэрцах нашых нашчадкаў. Пакуль жыве СЛОВА – жывыя і Княжаводцы.
Загадчыца філіяла Дубненскага цэнтра вольнага часу і культуры Таццяна Абухоўская пранікнёна прачытала аўтарскі верш “Роздум ля абеліску”.
Шмат гадоў прайшло з таго трагічнага дня, але агонь памяці мацней агню нянавісці.