У Мастоўскім РЦК прайшоў абласны фестываль народнай творчасці ветэранскіх калектываў “Не старэюць душой ветэраны».
У гэтым годзе сустрэліся 16 калектываў, удзельнікаў якіх аб’ядноўвае любоў да песні, актыўная жыццёвая пазіцыя і, вядома, бадзёрасць духу.
Наш раён прадставілі народны мужчынскі хор (кіраўнік Аляксандр Коцка) і народны хор ветэранаў «Надзея» (кіраўнік Ірына Содаль).
На фестывалі прагучалі песні, якія нагадваюць нам аб гераічных старонках гісторыі і подзвігу народа ў Вялікай Айчыннай вайне.
Ветэраны ў чарговы раз даказалі, што не толькі не старэюць душой, але і ідуць у нагу з часам.
