Беларуская выцінанка ўключана ў Спіс нематэрыяльнай культурнай
спадчыны ЮНЕСКА.
Адраджэннем выцінанкі ў аддзеле традыцыйнага мастацтва і рамёстваў
ДУ “Мастоўскі раённы цэнтр культуры” займаецца загадчык аддзела Садаўнічая Алена Мікалаеўна.
Творчасць Алены Мікалаеўны вельмі адметная, яе выцінанкі лёгка
пазнавальныя. Вылучае іх перш за ўсё паліхромнасць, мала характэрная для
работ іншых беларускіх майстроў выцінанак.
Пачынала майстрыха выразаць свае першыя выцінанкі з дзяцінства. Гэта былі круглыя разеткавыя выцінанкі на навагоднія святы: “сняжынкі” і “зоркі”.
У большасці выпадкаў творы Алены Мікалаеўны – разгорнутыя
сіметрычныя кампазіцыі сюжэтна-тэматычнага характару, у якіх дзеянне
канцэнтруецца вакол “Дрэва жыцця”, букета або іншага матыву. Таксама маюць месца і сцэнкі з народнага побыту, традыцыйныя святы і абрады, а таксама народны каляндар і інш.
